Samtök sveitarfélaga á Vesturlandi

Laugardaginn 13. maí mun Menningarráð Vesturlands úthluta styrkjum til menningarstarfs á Vesturlandi. Athöfnin fer fram í húsnæði Landnámsseturs í Borgarnesi að viðstöddum boðsgestum. Viðstödd athöfnina verða Menntmálaráðherra, Þorgerður Katrín Gunnarsdóttir og Samgönguráðherra, Sturla Böðvarsson. Styrkhöfum verða á næstu dögum sendar nánari upplýsingar um úthlutunina og afhendingu styrkja.

Að FíflholtumVeðurathugunarstöðin í Fíflholtum er nú komin í gagnið og eru upplýsingar farnar að birtast reglulega á heimasíðu veðurstofunnar. Á meðfylgjandi slóð má sjá sjálfvirkar veðurathuganir sl. vikuna. http://www.vedur.is/athuganir/sjalfvirkar/fiflh/

Nora auglýsir hér með eftir umsóknum um styrki til samstarfsverkefna á milli Íslands og hinna NORA landanna, þ.e. Grænlands, Færeyja og Noregs. Nora veitir árlega styrki til verkefna sem stuðla að auknu samstarfi og yfirfærslu þekkingar í atvinnulífi á milli landanna nokkrum sviðum eins og: Auðlindir sjávar, ferðamál, upplýsingatækni og annað samstarf

Gengur þú með viðskiptahugmynd í maganum ? Vinnumálastofnun/Félagsmálaráðuneyti auglýsir styrki til atvinnumála kvenna. Umsóknarfrestur er til 20 mars 2006 og eru til úthlutunar 25 milljónir króna. Upplýsingar veitir Líney Árnadóttir, í síma 455 4200 eða á netfanginu liney.arnadottir@svm.is Sjá nánar : http://www.vinnumalastofnun.is/atvinnumal-kvenna/styrkir-til-atvinnumala-kvenna/

Þjónustusamningur milli Veðurstofu Íslands og Sorpurðunar Vesturlands hf. um rekstur veðurstöðvar í Fíflholtum. Sorpurðun Vesturlands hf. og Veðurstofa Íslands hafa gert með sér samning um sameiginlega kostun á uppsetningu og rekstur veðurathugunarstöðvar í Fíflholtum. Veðurstofan sér um rekstur, eftirlit og viðhald sjálfvirkrar veðurathugunarstöðvar við sorpurðunarstöðina í landi Fíflholta og er stefnt að því að hún verði komin í gagnið eigi síðar en 1. mars 2006.

Á aðalfundi SSV sem haldinn var í Hótel Glymi á Hvalfjarðarströnd 28. október sl. var undirritaður menningarsmaningur milli menntamálaráðuneytis og samgönguráðuneytis annars vegar og Samtaka sveitarfélaga á Vesturlandi hins vegar. Var um að ræða mikinn gleðidag fyrir sveitarstjórnarmenn og aðstandendur menningarmála því unnið hefur verið að menningarsamningi í nokkur ár.

Stjórn Samtaka sveitarfélaga á Vesturlandi fagnar þeirri ákvörðun ríkisstjórnar Íslands að verja hluta af söluandvirði Símans til samgöngumála. Einkum fagnar stjórn SSV þeirri ákvörðun að leggja skuli 8 milljarða í uppbyggingu Sundabrautar en minnir jafnframt á mikilvægi þess fyrir Vestlendinga að Sundabraut verði lögð alla leið upp á Kjalarnes.

Aðalfundur Samtaka sveitarfélaga á Vesturlandi verður haldinn á Hótel Glymi á Hvalfjarðarströnd föstudaginn 28. október 2005 og hefst kl. 10 Dagskrá fundarins verður birt fljótlega.

Samtök sveitarfélaga á Vesturlandi óska eftir að ráða til starfa atvinnuráðgjafa í fullt starf með staðsetningu á Snæfellsnesi en starfssvæðið er Vesturland. Umsækjendur þurfa að hafa háskólamenntun, helst af rekstrar- og/eða á ferðaþjónustusviði. Auglýst er eftir fjölhæfum, traustum einstaklingi sem á gott með að vinna sjálfstætt og setja sig inn í mismunandi aðstæður. SSV – þróun og ráðgjöf starfa samkvæmt samningi við Byggðastofnun um verkefni á sviði atvinnu- og byggðaþróunar

Samtök sveitarfélaga á Vesturlandi óska eftir að ráða til starfa öflugan skrifstofumann á skrifstofu sína að Bjarnarbraut 8 í Borgarnesi. SSV óska eftir að ráða öflugan skrifstofumann til starfa á skrifstofu sinni að Bjarnarbraut 8, í Borgarnesi. Auglýst er eftir fjölhæfum og traustum einstaklingi með frumkvæði og rekstrarmenntun.