Samtök sveitarfélaga á Vesturlandi

Bernd og Hildur fremst ásamt þeim sem fengu viðurkenningu.Samtök sveitarfélaga á Vesturlandi og Vaxtarsamningur Vesturlands standa árlega fyrir útnefningu á Frumkvöðli Vesturlands. Alls fengu 12 aðilar viðurkenningu vegna ársins 2010 á Frumkvöðladegi sem haldinn var 10. júní í Brúðuheimum í Borgarnesi. Að þessu sinni voru það Brúðuheimar sem voru útnefndir Frumkvöðull Vesturlands 2010 og fengu þau verðlaunagrip ásamt 500.000 kr. Í 2.-3. sæti voru Skagastaðir, virknisetur fyrir unga atvinnuleitendur á

Miðvikudaginn 8. júní kl. 13:00 – 17:00 verður haldin ráðstefnan Landsbyggð tækifæranna – Þekkingar- og fræðastarf á landsbyggðinni á Grand Hótel, Sigtúni 38, Reykjavík (Háteigur A, 4 hæð).Tilefni ráðstefnunnar er skýrslan um Þekkingarsetur á Íslandi og nú er ætlunin að móta áframhald þess verkefnis m.a. í tengslum við áherslur Vísinda- og tækniráðs og sóknaráætlanir landshluta (Ísland 2020). Sjá auglýsingu og dagskrá hér.

Byggðastofnun hefur ákveðið að veita árlega viðurkenningu á ársfundi sínum og verður það gert í fyrsta sinn á ársfundinum þann 25. maí n.k. sem haldinn verður í Vestmannaeyjum. Það er von okkar að slíkur viðburður gefi jákvæða mynd af landsbyggðinni og af starfi stofnunarinnar. Viðurkenningin er hvatning og einskonar bjartsýnisverðlaun, því hugmynd að baki er að efla skapandi hugsun og bjartsýni.

SSV-Þróun og ráðgjöf hefur um árabil staðið fyrir tilnefningu á Frumkvöðli Vesturlands. Þar hafa verið tilnefnd fyrirtæki, einstaklingar og samtök sem þykja hafa sýnt frumkvæði í þróun vöru, þjónustu eða viðburða fyrir landshlutann. Í ljósi breyttra efnahagslegra forsenda hefur verið ákveðið taka upp samstarf við Vaxtarsamning Vesturlands og veita peningaverðlaun fyrir fyrstu þrjú sætin í keppninni. Hér til hliðar er hnappur sem vísar á eyðublað fyrir tilnefningu.

Þann 15. apríl sl. var undirritaður, og þar með endurnýjaður, menningarsamningur milli iðnaðar- og menningarráðuneytis og Samtaka sveitarfélaga á Vesturlandi fyrir hönd sveitarfélaganna á sama svæði. Boðuðu ráðherrar ráðuneytanna alla fulltrúa landshlutasamtaka og menningarráða á landinu í Ráðherrabústaðinn við Tjarnargötu þar sem undirritun fór fram við hátíðlega athöfn.

Á fundi stjórnar Sorpurðunar Vesturlands hf. sem haldinn var föstudaginn 1. apríl var Kristinn Jónasson, bæjarstjóri í Snæfellsbæ kosinn formaður stjórnar og Bergur Þorgeirsson, Borgarbyggð, varaformaður. Ný stjórn var kosin á aðalfundi félagsins þann 11. mars sl. og gengu þar 5 stjórnarmenn úr stjórn, flestir eftir margra ára stjórnarsetu. Nýir stjórnarmenn eru:

Efnt er til kynningarfunda þar sem fulltrúar Skipulagsstofnunar, Mannvirkjastofnunar og umhverfisráðuneytisins kynna ný skipulagslög og ný mannvirkjalög sem tóku gildi 1. janúar s.l. og jafnframt drög að nýjum reglugerðum.Þessi nýju lög varða hagsmuni sveitarfélaga, fyrirtækja, stofnana, félagasamtaka og almennings og verða fundirnir opnir öllum sem áhuga hafa á því að kynna sér þennan málaflokk. Að kynningu lokinni verða umræður og munu fulltrúar frá Skipulagsstofnunar, Mannvirkjastofnunar og umhverfisráðuneytisins svara fyrirspurnum frá

Vestlendingar eru almennt ánægðir með búsetuskilyrði nema þegar kemur að þáttum sem tengjast vinnumarkaði og framfærslukostnaði. Þetta kemur fram í nýútgefinni skýrslu um niðurstöður íbúakönnunar SSV, en megintilgangur hennar er að kanna hvort íbúar á Vesturlandi séu ánægðir með búsetuskilyrði á svæðinu. Þá var einnig reynt að varpa ljósi á hvort fátækt eða fjárhagsvandi væri vandamál meðal Vestlendinga. Frekari upplýsingar er að finna í skýrslunni.

Aðalfundur Sorpurðunar Vesturlands verður haldinn föstudaginn 11. mars 2011, kl. 13:30 á Hótel Hamri. Dagskráin auglýst síðar.

Samtök sveitarfélaga hafa gefið út Hagvísi um vinnumarkaðinn á Vesturlandi eftir Vífil Karlsson. Þar er einkum horft til þess hvort menntun hafi áhrif á tekjumyndun á Vesturlandi, þ.e. hvort hún sé metin að verðleikum á vinnumarkaði Vesturlands. Gerð var tilraun til að meta arðsemi menntunar og niðurstöður bornar saman við niðurstöður Hagfræðistofnunar Háskóla Íslands á sambærilegum útreikningum. Hagvísinn má sjá hér.