ENGLISH BELOW

Góðar fréttir fyrir skapandi fólk á Vesturlandi – umsóknarfrestur fyrir Barnó – BEST MEST VEST! 2026 hefur verið framlengdur til og með 24. ágúst 2026.

Barnó er sameiginleg barnamenningarhátíð Vesturlands þar sem börn og ungmenni fá að njóta, skapa og taka virkan þátt í fjölbreyttu menningarlífi um allt Vesturland. Hátíðin fer fram í október 2026 og enn er tækifæri til að senda inn hugmyndir að spennandi atriðum, viðburðum og skapandi verkefnum fyrir börn og ungmenni á aldrinum 0–18 ára.

Við hvetjum einstaklinga, listafólk, hópa, félagasamtök, skóla, stofnanir og aðra skapandi aðila til að nýta viðbótarfrestinn og senda inn hugmyndir. Um getur verið að ræða listsmiðjur, tónlist, dans, sviðslistir, skapandi verkefni eða eitthvað allt annað sem gleður, vekur forvitni og virkjar sköpun barna og ungmenna.

Sérstaklega er hvatt til verkefna sem stuðla að inngildingu, fjölbreytileika og virkri þátttöku barna og ungmenna.

Viðburðir þurfa að fara fram á Vesturlandi á tímabilinu 1.–31. október 2026 og fjárstuðningur getur verið í boði fyrir valin verkefni. Öll innsend atriði og verkefni verða tekin til skoðunar af stýrihópi Barnó sem sér um val á dagskrá hátíðarinnar.

Nýr umsóknarfrestur er til og með 24. ágúst 2026.

Fyrir frekari upplýsingar má hafa samband við Sigurstein, verkefnastjóra menningarmála hjá SSV, á netfanginu sigursteinn@ssv.is.

Skráið viðburði hér