SSV auglýsir eftir áhugasömum rekstraraðilum á Vesturlandi til að taka þátt í verkefni um bætta úrgangsstjórnun. Verkefnið er hluti af áhersluverkefni Sóknaráætlunar 2020-2024 sem nefnist Flokkun í anda hringrásarhagkerfis.

Rekstraraðilar þar sem líklegt er að mest falli til af lífrænum úrgangi eiga kost á að taka þátt í verkefninu og er áhersla lögð á eftirtalda flokka:

• Matvöruverslanir
• Matvælavinnslur
• Veitingastaðir

Valin verða 12 fyrirtæki til þátttöku, fjögur úr hverjum flokki. Ráðgjafi heimsækir fyrirtækin og í þeirri heimsókn er meðhöndlun úrgangs kortlögð og leiðbeint um leiðir til úrbóta.

Tilgangur verkefnisins er að aðstoða rekstraraðila við að greina leiðir til að bæta úrgangsstjórnun bæði hvað varðar flokkun á staðnum og ráðstöfun þess úrgangs sem til fellur, skoða leiðir til að draga úr úrgangi og horfa til þess að bæta nýtingu þess lífræna úrgangs sem til fellur.

Nánari upplýsingar á síðu verkefnisins

Umsóknarfrestur er til og með 1. september
Umsóknir skulu berast á netfangið:  hrafnhildur@ssv.is