Samtök sveitarfélaga á Vesturlandi

Verkefni felast m.a. í að vera einstaklingum, fyrirtækjum og sveitarstjórnum til aðstoðar á sviði atvinnumála. Verkefni þróunar- og ráðgjafadeildar SSV á sviði aðstoðar við ofangreinda aðila geta verið margvísleg

SSV – atvinnuþróun og ráðgjöf, aðstoðar einstaklinga til sjálfshjálpar. Það þýðir að nauðsynlegt er að þeir sem leita eftir aðstoð komi einnig til með að vinna að framgangi hugmynda sinna.

Meginmarkmið SSV – atvinnuþróunar og ráðgjafar, er að taka þátt í að efla atvinnulíf í landshlutanum með beinum og óbeinum hætti.

Rekstrarráðgjöf og hagkvæmnisúttektir.

Viðmiðunarreglur eru að hvert verkefni fái u.þ.b. tveggja daga vinnu gjaldfría. Fyrir vinnu umfram það er tekið tímagjald. Regla þessi er byggð á samkeppnissjónarmiðum.

Eðli málsins samkvæmt heitir SSV skjólstæðingum sínum fullum trúnaði. Hægt er að bera upp trúnaðarmál við atvinnuráðgjafa og treysta því að hugmynd eða mál verði ekki borin á torg.

Ef þú hefur áhuga á að nýta þjónustu SSV, þróunar og ráðgjafadeildar, þá endilega hafðu samband og við bókum tíma fyrir þig.

Alltaf er hægt að hafa samband við skrifstofu SSV í Borgarnesi í síma 433-2310. Auk þess eru ráðgjafar með viðverutíma á Akranesi, Hvalfjarðarsveit, Snæfellsbæ, Grundarfirði, Stykkishólmi og Búðardal. Nánari upplýsingar er að finna á heimasíðu SSV og á skrifstofum sveitarfélaganna á viðkomandi stöðum.