Miðvikudaginn 21. janúar var úthlutunarhátíð Uppbyggingarsjóðs Vesturlands haldin á Hótel Borgarnesi. Uppbyggingarsjóður Vesturlands er samkeppnissjóður sem hefur þann tilgang að styrkja menningar-, atvinnu- og nýsköpunarverkefni á Vesturlandi og er fjármagnaður af Sóknaráætlun Vesturlands.

Sjóðurinn auglýsti eftir umsóknum í október og alls  bárust 94 umsóknir í sjóðinn og umsótt upphæð var 195.938.755

Að þessu sinni var veittur 61 styrkur sem skiptist þannig að veittir voru 14 styrkir til atvinnu-og nýsköpunarverkefna, 44 styrkir til menningarverkefna og þrír stofn- og rekstrarstyrkir. Fjárhæð sem úthlutað var að þessu sinni var 54.340.000.

Páll S. Brynjarsson, framkvæmdastjóri SSV setti athöfnina og í framhaldinu stýrði Ólöf Guðmundsdóttir afhendingu styrkja í  flokki atvinnu-og nýsköpunarverkefna með aðstoð Jónínu Ernu Arnardóttur, formanni stjórnar Uppbyggingarsjóðs ásamt Hrafnhildi Tryggvadóttur atvinnuráðgjafa SSV. Að þessu sinni hlutu 14 verkefni styrki í þeim flokki að upphæð 19.565.000.

Í framhaldi af úthlutun styrkja í þessum flokki fengu gestir kynningar á tveimur frumkvöðlaverkefnum sem hlutu styrki úr sjóðnum; annars vegar Harmoníu og hins vegar Afskurði til auðs.

Menningarhluti hátíðarinnar hófst á kynningarmyndbandi fyrir Sátuna, þungarokkshátíð í Stykkishólmi og að því loknu tók Sigursteinn Sigurðsson verkefnastjóri menningarmála hjá SSV við og stýrði afhendingu styrkja í flokki menningarverkefna og stofn-og rekstrarstyrkja menningarmála ásamt Jónínu Ernu formanni stjórnar sjóðsins og Páli S. Brynjarssonar framkvæmdastjóra SSV. Að þessu sinni hlutu 44 menningarverkefni styrk að upphæð 31.675.000 og þrjú verkefni hlutu stofn-og rekstrarstyrk að upphæð 3.100.000

Að lokinni afhendingu styrkja, var kynnt sameiginlegt kynningarefni Handraðans – klasa safna, sýninga og setra á Vesturlandi. Sædís Ólöf Þórisdóttir verkefnastjóri Broadstone Network Iceland kynnti verkefni sem er ætlað að miðla vönduðu kynningarefni safna, sýninga og setra í landshlutanum.

Við upphaf og inni í dagskrá var boðið upp á tónlistaratriði og var það Kammerhópur Steinunnar Þorvaldsdóttur sem sá um tónlistina að þessu sinni.

Í lokin var boðið upp á léttar veitingar og spjall um þau fjölmörgu spennandi verkefni sem eru í gangi á Vesturlandi.

Ljósmyndir sem eru í lok þessarar fréttar eru teknar af Steinunni Þorvaldsdóttur.

Verkefni sem hlutu styrki:

ATVINNU – OG NÝSKÖPUNARSTYRKIR

MENNINGARSTYRKIR

STOFN- OG REKSTRARSTYRKIR TIL MENNINGARVERKEFNA