Vaxtarsamningur Vesturlands og SSV-Þróun og ráðgjöf hafa gefið út nýjan hagvísi um stöðu ferðaþjónustunnar á Vesturlandi. Hagvísirinn byggir að mestu á talnaefni frá Hagstofu Íslands og Ríkisskattstjóra og má finna HÉR.
Atvinnuleysi framhaldsskólafólks sumarið 2009
SSV þróun og ráðgjöf, Símenntunarmiðstöð Vesturlands og Vinnumálastofnun á Vesturlandi létu gera skoðanakönnun til að fá raunhæfa mynd af stöðu framhaldsskólanemenda varðandi sumarvinnu árið 2009. Spurningakönnunin var gerð í samstarfi við skólayfirvöld í hverjum skóla fyrir sig, en 1088 nemendur er skráðir við þá og svöruðu 556 nemendur könnuninni sem er 51% svarhlutfall. Niðurstaða könnunarinnar var miklu jákvæðari en búist var við. Skýrslu um niðurstöður er hægt að sjá hér.
Menningarlandið 2009
Menntamálaráðuneyti, iðnaðarráðuneytið og Samband íslenskra sveitarfélaga í samstarfi við menningarráð landsbyggðarinnar boðuðu til ráðstefnu á Hótel Stykkishólmi dagana 11.-12. maí sl. Fjallað var um reynslu og árangur af menningarsamningum og hvert beri að stefna. Ályktun sem samþykkt var á ráðstefnunni ásamt frekari upplýsingum má sjá á vef Menningarráðs Vesturlands www.menningarviti.is .
Kjarnafiskur valinn Frumkvöðull Vesturlands 2008
Verðlaunin Frumkvöðull Vesturlands voru afhent á Frumkvöðladegi sem haldinn var í Menntaskóla Borgarfjarðar 2. apríl s.l. Að þessu sinni var það Kjarnafiskur á Akranesi, fyrirtæki Barkar Jónssonar og Valgerðar S. Sigurðardóttur sem hlaut verðlaunin. Kjarnafiskur hefur á nýliðnum árum sett upp tæknilega fullkomna harðfiskvinnslu og meðal annars verið í samstarfi við Latabæ, fyrirtæki Magnúsar Scheving. Þetta er fjórða árið sem SSV stendur fyrir valinu. Það bárust 17 tilnefningar um fyrirtæki
Frumkvöðladagur Vesturlands fimmtudaginn 2. apríl.
Frumkvöðlaverðlaun Vesturlands voru afhent í fyrsta skipti á aðalfundi SSV sem haldinn var í september 2006 og verða þau nú afhent í fjórða sinn á Frumkvöðladegi sem haldinn verður í Menntaskóla Borgarfjarðar. Allir eru velkomnir. Dagskráin er hér.
Frumkvöðull ársins 2008 á Vesturlandi
Samtök sveitarfélaga á Vesturlandi óska eftir tilnefningum um einstaklinga sem eru þess verðir að hljóta sæmdarheitið frumkvöðull ársins 2008 á Vesturlandi og skara fram úr í þróun nýrrar vöru, þjónustu eða viðburða í landshlutanum. Tilnefningar berist til Samtaka sveitarfélaga á Vesturlandi, Bjarnarbraut 8, 310 Borgarnesi, með tölvupósti á netfangið frumkvodull@ssv.is eða fylla út eyðublað sem finna má hér. Tilnefningar þarf að rökstyðja með fáeinum orðum.
Ertu kona með góða viðskiptahugmynd?
Vinnumálastofnun og Félags- og tryggingamálaráðuneyti hefur auglýst styrki til atvinnumála kvenna lausa til umsóknar. Styrkir þessir hafa verið veittir síðan 1991 og á síðasta ári voru 50 milljónum úthlutað til 56 kvenna um land allt. Styrkhæf verkefni skulu vera í eigu kvenna (amk 50%) og stjórnað af konum og skal verkefnið fela í sér atvinnusköpun til frambúðar. Um nýnæmi skal vera að ræða, annaðhvort nýja vöru/þjónustu eða þróun vöru/þjónustu.
„Íslensk byggðamál á krossgötum“
Byggðaráðstefna verður haldin í Borgarnesi 20. febrúar nk. í samvinnu Sambands íslenskra sveitarfélaga, iðnaðarráðuneytis, samgönguráðuneytis, fjármálaráðuneytis, Byggðastofnunar og landshlutasamtaka sveitarfélaga á Vesturlandi, Vestfjörðum og Norðurlandi vestra. Yfirskrift ráðstefnunnar er: „Íslensk byggðamál á krossgötum“ og dagskráin er hér.
Kynning á svæðisáætlun ásamt umhverfisskýrslu
Nú er til kynningar tillaga að endurskoðaðri svæðisáætlun um meðhöndlun úrgangs hjá 34 sveitarfélögum á Suðvesturlandi fyrir tímabilið 2009 – 2020 ásamt umhverfismati áætlunarinnar.
Framvinduskýrsla vegna styrkja til eflingar atvinnuþróunar og nýsköpunar.
Byggðastofnun hefur umsjón og eftirlit með mótvægisaðgerð ríkisstjórnarinnar á sviði eflingar atvinnuþróunar og nýsköpunar árin 2008-2009.