Samtök sveitarfélaga á Vesturlandi

Þessi hliðarviðburður á Nýsköpunarvikunni varpar ljósi á öflugt og vaxandi nýsköpunarumhverfi á landsbyggðinni.
Þátttakendur úr Startup Landið, nýsköpunarhraðli fyrir landsbyggðina, kynna verkefni sín í stuttum og lifandi pitch-kynningum. Einnig segja frumkvöðlar frá lengra komnum fyrirtækjum frá sinni vegferð, frá hugmynd til vaxtar.
Viðburðurinn er kjörið tækifæri til að kynnast nýsköpun víðs vegar af landinu, fá innblástur og hitta fólk sem er að skapa verðmæti í sínum heimabyggðum.
 Nýsköpun á landsbyggðinni í sviðsljósinu 
Þann 28. apríl kl. 15:00 verður sannkölluð veisla í Grósku þegar fjölbreytt og spennandi fyrirtæki víðs vegar af landinu kynna þá nýsköpun sem er að blómstra á landsbyggðinni 
Við fáum að kynnast:
 Hundaveislu – hágæða hundafóður frá Suðurlandi
 Snældum – íslenskar skógarafurðir fyrir börn og fullorðna frá Norðurlandi eystra
 Mundialis – malað frostþurkað grænmeti frá Vesturlandi
 Horseday – stærsta samfélag íslenska hestsins, app frá Suðurlandi
 Örnu – laktósalausar mjólkurvörur frá Vestfjörðum
 Mýsköpun – örþörungaræktun frá Norðurlandi eystra
 Korg – kaffibrennsla frá Norðurlandi vestra
 Austurbý – býflugnarækt með tæknifrjóvgun á Austurlandi
 Grammatek – talgervilausnir frá Vesturlandi
 Ichigo – japönsk jarðaber á Suðurnesjum