Samtök sveitarfélaga á Vesturlandi

Landsvirkjun tekur virkan þátt í samfélaginu og styður við málefni og verkefni sem hafa jákvæð samfélagsleg áhrif. Sjóðurinn styður verkefni sem hafa breiða samfélagslega skírskotun og leggur sérstaka áherslu á verkefni sem hafa jákvæð áhrif á nærsamfélög fyrirtækisins. Tekið er á móti umsóknum allt árið en úthlutað er úr sjóðnum þrisvar á ári. Umsóknarfrestur er til 31. mars, 31. júlí og 30. nóvember ár hvert.

Vinsamlegast kynnið ykkur úthlutunarreglur sjóðsins sem nálgast má hér að neðan, áður en umsókn er send inn.

Samfélagssjóður úthlutar að hámarki 12 milljónum króna í þremur úthlutunum. Að jafnaði eru styrkir á bilinu 100 til 500 þúsund og aldrei hærri en ein milljón króna. Stefna sjóðsins er að styðja verkefni sem hafa breiða samfélagslega skírskotun og leggur sérstaka áherslu á verkefni sem hafa jákvæð áhrif á nærsamfélag fyrirtækisins.

• Styrkir eru veittir einstaklingum, hópum, sjálfseignarstofnunum og frjálsum félagasamtökum sem ekki eru rekin í hagnaðarskyni
• Sjóðurinn veitir styrki til skilgreindra verkefna og atburða
• Sjóðurinn veitir ekki rekstrarstyrki

Verkefni sem koma einkum til greina:

• Verkefni á sviði umhverfis-, náttúru- og auðlindamála
• Listir, menning og menntun
• Forvarnar- og æskulýðsstarf
• Heilsa og hreyfing

Verkefni sem alla jafna koma ekki til greina eru:

• Rannsóknir og vísindi (Orkurannsóknasjóður veitir styrki til námsfólks og rannsóknarverkefna á vegum háskóla, stofnana, fyrirtækja og einstaklinga)
• Almenn útgáfa, svo sem bóka, geisladiska og kvikmynda
• Námsstyrkir
• Utanlandsferðir

Verkefni sem snúa að sjálfbærni eða að umsækjandi/fyrirtæki/félagasamtök starfi með sjálfbærni að leiðarljósi styrkir stöðu umsóknar þar sem umsækjendur eru hvattir til að að vinna eftir stoðum sjálfbærninnar sem eru umhverfismál, félagsleg mál og stjórnarhættir. Verkefni sem snúa að geðheilbrigði falla einnig vel að og styrkir stöðu umsóknar.

Stefnur BYKO má finna hér.

BYKO leggur megináherslu á fimm heimsmarkmið:

– Jafnrétti kynjanna
– Góð atvinna og hagvöxtur
– Nýsköpun og uppbygging
– Ábyrg neysla og framleiðsla
– Samvinna um markmiðin

Samfélagssjóður BYKO hefur það að markmiði að styðja við þau verkefni sem best samræmast áðurnefndum atriðum og gerir þá kröfu að styrkþegar skilgreini hvernig styrknum verði ráðstafað. Sjóðurinn hefur mismunandi áherslur hverju sinni en þau verkefni sem koma til greina í næstu úthlutun skulu vera tengd einhverju af eftirfarandi:

– Geðheilbrigðismálum
– Sjálfbærniverkefnum

​Verkefni sem eru ekki styrkt af sjóðnum eru:

– Sértæk útgáfuverkefni
– Einstaklingar, nemendur eða starfsmannafélög til námsferða eða íþróttaferða
– Kosningaherferðir nemenda og/eða stjórnmálaflokka
– Utanlandsferðir listamanna og listhópa
– Almenn bókaútgáfa, gerð almenns námsefnis og útgáfa geisladiska
– Happdrætti, bingó og aðrir slíkir viðburðir

Ofangreindur listi er ekki tæmandi.

Fyrirkomulag afgreiðslu umsókna

Í ár verða styrkir veittir í október.

Umsóknir skulu berast í gegnum rafrænt umsóknarform sem finna má hér fyrir neðan og skal fylgja greinargóð lýsing á viðfangsefni og markmiði verkefnis. Fyrir október úthlutun verður opið fyrir umsóknir frá 15. september – 30. september.

Stjórn sjóðsins getur óskað eftir því að fá frekari kynningu á verkefninu áður en tekin er ákvörðun um styrkúthlutun.

Haft verður samband við þá sem hljóta styrk en ef svar hefur ekki borist innan mánaðar frá síðasta úthlutunardegi má líta svo á að umsókninni hafi verið hafnað.

Opnað hefur verið fyrir umsóknir í viðskiptahraðalinn Startup Landið sem haldinn verður 24. september til 5. nóvember 2026.

Hraðallinn er ætlaður einstaklingum og teymum með nýsköpunarhugmyndir á landsbyggðinni sem vilja þróa þær áfram með markvissri leiðsögn, fræðslu og stuðningi frá reynslumiklum leiðbeinendum og sérfræðingum úr atvinnulífinu.

Í Startup Landinu fá þátttakendur tækifæri til að vinna markvisst að sínum verkefnum, móta viðskiptahugmyndir, þróa viðskiptamódel og efla tengslanet sitt. Áhersla er lögð á hagnýta vinnu, skapandi hugsun og að styðja frumkvöðla við að koma hugmyndum sínum á næsta stig.

Hraðallinn er samstarfsverkefni landshlutasamtaka og atvinnuþróunarfélaga um land allt og var haldinn í fyrsta sinn árið 2025. Markmiðið er að styðja við nýsköpun á landsbyggðinni og auka sýnileika hennar

Umsóknarfrestur er til 1. september og nánari upplýsingar má finna á startuplandid.is.

Barnó er sameiginleg barnamenningarhátíð Vesturlands þar sem börn og ungmenni fá að njóta, skapa og taka þátt í fjölbreyttu menningarlífi um allt Vesturland. Hátíðin fer fram í október 2026 og nú leitum við að spennandi atriðum, viðburðum og skapandi verkefnum fyrir börn og ungmenni á aldrinum 0–18 ára.
Við hvetjum einstaklinga, listafólk, hópa, félagasamtök, skóla, stofnanir og aðra skapandi aðila til að senda inn hugmyndir, t.d. atriðum, listsmiðjum og skapandi verkefnum, tónlist, dansi og sviðslistum eða bara öllu öðru sem gleður, kveikir forvitni og virkjar sköpun barna og ungmenna! Við vekjum athygli að verkefni sem stuðla að inngildingu og fjölbreytileika samfélagsins eru sérstaklega hvött til að sækja um.

Mikilvægt er að viðburðir fari fram á Vesturlandi á tímabilinu 1.–31. október 2026 og fjárstuðningur getur verið í boði fyrir valin verkefni.
Öll innsend atriði og verkefni verða tekin til skoðunar af stýrihópi Barnó sem sér um val á dagskrá hátíðarinnar.

Umsóknarfrestur er til og með 10. ágúst 2026.

Fyrir frekari upplýsingar má hafa samband við Sigurstein verkefnastjóra Barnó hjá SSV: sigursteinn@ssv.is

Gerum Vesturland að skapandi ævintýri fyrir börn og ungmenni — BEST ✨ MEST ✨ VEST ✨