Öndvegisstyrkir Sóknaráætlunar Vesturlands

Úthlutunarnefnd Uppbyggingarsjóðs Vesturlands ber ábyrgð á úthlutun öndvegisstyrkja
og tekur ákvörðun um úthlutun að fenginni umsögn fagráða Uppbyggingarsjóðs
Vesturlands.

Fulltrúar í úthlutunarnefnd gæta að hæfisreglum við ákvarðanatöku og víkja sæti ef
aðstæður draga úr trú á óhlutdrægni við val á verkefnum. Ef viðkomandi er vanhæfur, ber
honum/henni að víkja af fundi og skráist það í fundargerð. Ekki nægir að viðkomandi sitji
hjá við atkvæðagreiðslu um mál sem hann er vanhæfur í. Við mat á vanhæfi skal hafa til
hliðsjónar ákvæði stjórnsýslulaga nr. 37/1993 og 20. gr. sveitarstjórnarlaga nr.
138/2011.

Umsækjendum er heitið trúnaði um það sem fram kemur í umsóknum og varðar
verkefnin sem sótt er um styrk til meðan á umsóknarferlinu stendur.
Að úthlutun lokinni verður birtur opinberlega listi yfir styrkt verkefni ásamt stuttri lýsingu
á þeim, styrkupphæð og nöfn styrkþega.

Skyldur styrkþega

Gerður skal skriflegur samningur við hvern styrkþega. Styrkþegi er í þessu tilviki
skilgreindur sem sá aðili sem hlotið hefur styrk.

Styrkþegar skulu gera grein fyrir framvindu verkefna og ráðstöfun fjár í stöðumatsskýrslu
eða framvindu /lokaskýrslum. Að lágmarki skal skila skýrslu við lok verkefnis eða
framvinduskýrslu innan árs ef verkefni hefur dregist af einhverjum ástæðum og samið
hefur verið um lengri frest.

Meðfylgjandi lokaskýrslu skulu fylgja afrit af reikningum ásamt vandaðri
vinnutímaskýrslu, hafi styrkurinn verið nýttur upp í eigið vinnuframlag. Verði misbrestur á
skýrsluskilum eða önnur skilyrði verkefnisstjórnar fyrir styrkveitingu eru ekki uppfyllt er
heimilt að fara fram á endurgreiðslu styrksins að hluta eða að fullu. Sé styrks ekki vitjað
innan þriggja mánaða frá dagsetningu tilkynningar um styrk, það er samningur
undirritaður, fellur styrkurinn niður ef ekki liggja fyrir gildar ástæður fyrir drætti á
undirritun samnings.

Styrkþega er skylt að geta stuðnings Sóknaraætlunar Vesturlands í hvers kyns umfjöllun
um verkefnið á því ári sem styrkurinn er veittur og að lágmarki eitt ár þar á eftir.

Umsóknir

Í umsóknum um styrki skal koma fram;
• Greinargóð lýsing á verkefninu og markmiðum þess,
• Verk- og tímaáætlun,
• Ítarleg fjárhagsáætlun (kostnaðar- og tekjuáætlun)
• Upplýsingar um umsækjanda/umsækjendur.
• Skírskotun til þess hvernig þær falla að helstu markmiðum Sóknaráætlunar
Vesturlands.

Styrkhæf verkefni

Styrkhæf verkefni eru;
a. Rannsóknar-, þróunar- og nýsköpunarverkefni þar sem markvisst er stefnt
að markaðssetningu nýrrar eða endurbættrar vöru eða þjónustu.
b. Stofnfjárfestingu í hvers konar verkefnum að því gefnu að þau raski ekki
samkeppni á viðkomandi þjónustusóknarsvæði.
c. Stofn,- þróunar- og/eða verkefnastyrkir á sviði menningar sem stuðla að
nýsköpun í listum, varðveislu menningararfs, aukinni þátttöku almennings og
eflingu menningarlífs á Vesturlandi.
d. Samfélagseflandi verkefni önnur en þau sem teljast til lögbundinna og/eða
hefðbundinna verkefna ríkis eða sveitarfélaga.

Viðurkenndir kostnaðarliðir vegna styrkhæfra verkefna:
• Laun og launatengd gjöld
• Rekstrarvörur, efni o.fl.
• Aðkeypt þjónusta
• Ferðir og fundir
• Markaðsrannsókn/könnun
• Stofnfjárfesting í búnaði og aðstöðu. Ef fyrir liggur að verkefni umsóknaraðila raski ekki
samkeppni á viðkomandi þjónustusóknarsvæði er heimilt að styrkja stofnfjárfestingu í
aðstöðu, þ.m.t. tækjum og búnaði sem eru forsenda fyrir framleiðslu afurða og
þjónustu.

Öndvegisstyrkir fjármagna ekki:
• Fjárfestingu í hráefnum þ.m.t. tækjum og búnaði sem eru hlutar af afurð eða þjónustu
sem ætluð er til sölu.
• Fjárfestingu í sjálfu framleiðsluferlinu og umhverfi þeirra þ.m.t. húsnæði og
tækjabúnaði til framleiðslu afurða og þjónustu sem ætluð er til sölu. Undantekning frá
þessum lið er stofnfjárfesting í búnaði og aðstöðu að uppfylltum sérstökum skilyrðum
um að verkefni raski ekki samkeppni sbr. lið um stofnfjárfestingu hér að ofan.
• Markaðsfærslu og sölustarfsemi umfram framangreint.
• Virðisaukaskatt af innsendum reikningum sem liggja til grundvallar uppgjöri styrks ef
styrkþegi er með virðisaukaskattsnúmer og verkefnið telst til virðisaukaskattskyldrar
starfsemi viðkomandi. Með öðrum orðum ef styrkþegi á rétt á endurgreiðslu innskatts af
reikningunum.
Kostnaður sem fallið hefur til vegna verkefnis áður en umsókn er lögð inn hjá.
Starfsemi íþróttafélaga, bæjarhátíða og almennt safnaðarstarf.

Við mat á umsóknum er horft til eftirfarandi þátta:
1. Hversu vel umsókn/verkefni falli að stefnu Sóknaráætlunar Vesturlands.
2. Að hvaða marki verkefnið leiði til atvinnusköpunar, helst á heilsársgrundvelli.
3. Að hvaða marki útkoma verkefnisins nýtist sem flestum íbúum á Vesturlandi.
4. Hvort verkefnið sé líklegt til árangurs og þekking / reynsla sé til staðar.
5. Að markaðslegar og/eða rekstrarlegar forsendur séu trúverðugar. Hér er jafnframt horft
til þess hvort umsókn sé unnin af vandvirkni og útfyllt eins og gert er ráð fyrir í
umsóknarformi.
6. Hvort verkefnið trufli samkeppni á þjónustusóknarsvæðinu.
7. Ekki er gerð krafa um mótframlag en jafnan er það talið verkefnum til framdráttar
ef mótframlag liggur fyrir.
8. Hvort verkefni leiði til samstarfs aðila innan Vesturlands.
9. Hvort verkefnið sé líklegt til að hafa jákvæð samfélagsleg og menningarleg áhrif og
hvort þau séu líkleg til að efla byggðabrag og auka aðdráttarafl sveitarfélaga á
Vesturlandi (Attractiveness) .