F U N D A R G E R Ð
Sorpurðun Vesturlands hf.
STJÓRNARFUNDUR 9. MARS 2001.

Stjórnarfundur í Sorpurðun Vesturlands hf. haldinn á Hótelinu í  Borgarnesi, föstudaginn 9. mars kl. 12.30.   Mættir voru: Einar Mathiesen, Guðbrandur Brynjúlfsson, Guðni Hallgrímsson, Kristinn Jónasson, Pétur Ottesen, Ríkharð Brynjólfsson, Sigríður Gróa Kristjánsdóttir, og Hrefna B Jónsdóttir.

Dagskrá fundarins er eftirfarandi:

1. Úttekt Gámaþjónustu Vesturlands.
2. Aðalfundur
3. Önnur mál

Úttekt Gámaþjónustu Vesturlands.
Tekið var fyrir erindi frá Gámaþjónustu Vesturlands hf.  Á samráðsfundi sem haldinn var 8. ágúst 2000 var m.a. farið yfir atriði sem varða urðunargryfju í Fíflholtum.
Gryfjan sem netið er yfir og urðað er í, er fimm metrum breiðari en teikning segir til um og netið passar því ekki á kantana.  Nokkur kostnaður hlýst því við að færa ruðninga og þar sem net passar ekki þarf að byggja undir staurana sem halda netinu uppi.  Einnig talaði Þorsteinn um að eitt bil þyrfti í viðbót af neti.  Því þyrfti að endurhanna það og setja sjálfstæðar brautir fyrir net.  Í framhaldinu heimsóttu stjórnarformaður og framkvæmdastjóri Fíflholt og fóru yfir málin með Þorsteini og var honum í framhaldinu falið að gera nánari úttekt á verkefninu, þ.e. reikna út þann kostnað sem aukalega til fellur, sem farið yrði síðan yfir.  Úttekt þessi hefur borist og er kostnaður við þessa framkvæmd samkvæmt því 1.572.000 kr.  Framkvæmdastjóra var falið að fá Jón Ágúst hjá VST til að meta þessa kostnaðarliði.

Aðalfundur
Pétur Ottesen fór yfir málefni fyrir aðalfund Sorpurðunar hf. en hann verður haldinn kl. 14.

Önnur mál.
Lögð var fram úttekt Verkfræðistofu VST vegna gjaldskrár Sorpurðunar vegna urðunar sláturúrgangs og bréf til Goða hf. í framhaldi af því.

Fundi slitið.

Fundarritari.
Hrefna B. Jónsdóttir.